أعلن محمد جاكيت عن ميلاد جاكيت (6).
وقال “محمد” بأن المشروع كان مجرد فكرة من شخصي الضعيف واليوم إتسجل كبراند في السودان ومصر والإمارات.
واضاف ، ٦ سنين من الإجتهاد والإصرار والعزيمة عشان أقدر أصل للمكان الكنت بحلم بيهو وإنو يكون عندي مصنع يحمل إسمي واقدر انتج ويتم التصدير الي خارج السودان واجيب عمله صعبة لي بلدي واقدر اوفر فرص عمل لي آي زول محتاج.
وقال “محمد” عشان كده لازم تخلو حلمكم حقيقة وماتنتبهو للناس السلبيين والطوالي بنتقدوكم وبحسسوكم بالفشل ومااي عقبة تمر بيكم تكسر مجاديفكم وتخوفكم وماتسمعو ولا تسمحو لي آي زول يقلل من شأنكم ومن طموحاتكم وأفكاركم
ولابد من ان يكون عندك بلان او هدف تمشي عليهو في الدنيا دي اوعك تمشي ساي وتقضي اليوم باليوم لانك ببساطة إنت في مرحلة تأسيس لو ماأسست في شبابك ماحتقدر تنجح تاني ولا حتساعد اولادك بعدين لانو المسؤليه اتومتك حتكبر كل يوم وحتلقي روحك عايش ومستور الحال بس ماانجزت شئ يذكر
وماتحسب اليوم 24 ساعة اقضيها ضحك وونسه ومرقات في الفاضي واليوم يفوت ويعدي بالعكس أحسبه صااااح.
اليوم 24 فرصة كيف استقلها وانجز فيها وأحسن وضعي ووضع أسرتي
وإتوكل علي الله وباذن الله ربنا مابخذلك
صدقني بتصل للعاوزو والمادة ماكل شئ علي فكره لانو كلنا بدينا من البيك زيرو.
