نص شعري بمناسبة فوز “الهلال” يشعل مواقع التواصل الاجتماعي
دابي الوعرة….. . لما يهيييج اخير تختاهو
سمو بعطل أعصاب الخصيم…. إن جاهو
ناس ( الكاف) بحذرو….. كل تيم لاقاهو
أحسن ليك (تكبِّرا) … . .. اوعى تتحداهو
الغربال( محمد) …. …صاح وقع واتعثر
الا عزيمة الابطال…. محال تتكسّر
بنقول دا القدر…. حاشانا ما بتنحسّر
الكونغولي (بونجونجا) …. الحريف ما قصّر
(الشعلة) الوليد….. زولا نجيييض مو ني
(عيد) جبناهو…شان . يكوي العوازل كي
ألفي آكرا…. عاد ضربو السلاح الحي
ديل ناس ( الشغيل) واخونا ود ( الضي)
(ابوعاقلة) المدمر…. والمعلم…. (روووفا)
تاني المتعة بيناتكم…. ضماااان بنشووفا
الرسام ( نزار)… … إدوارو ديك معرووووفة
بلعب ليك باص… تحلف تقول معزوفة
(والي الدين خضر) … ضابط الوسط بالملي
تمريراتو حاسمة…… وحاشا ما بتجلي
ود (عابدين) مؤيد… …. في الرواق متجلي
بلعب بي العقل……. . ما خرمجة وهبتلي
(أرنق) جنبو … عملاق الدفاع ( اووووتارا)
قوة صلابة…… تكتيكا معاهو شطاااارة
(فارس) نا الهمام….عندو السيوف ( بتارة)
كورتو الليلة …. خلت غانا جتتتت محتارة
ابو عشرين حبيبنا…. الدمو ( ازرق) لونو
صمام الأمان… … بي القوة حارس قونو
شوف عيني الهلال….. هلّ وسطع كونو
والبنقابلو بس……. ربك يكون عونو
